tina buku “ngabungbang”

turus katumbiri

dipikukuh nawaétu
ngadeuheuskeun geter deudeuh
nyébakeun kadar kanyaah

di anjeun, jalma merdéka
kabébasan nu nebarkeun pibakaleun
mesék cangkang pameutingan
ngaseukkeun galuring nyaring

diluntakeun sugih ati
mapay turus katumbiri

sageuy teu meuhpeuy ku harti
petikeun galeuh birahi

2010

ungkara rumaja

mun bulan udar cahyana
sarta mongkléng sajatina
naha nu katémbong
masih kénéh métafor urang baheula?
banda nu geus ti heula nyampak
dina padalisan hiji sajak?

ungkara rumaja nu karék kabaca
sanggeus urang sawawa

najan teu kungsi ngarasa hatam
macaan sakur gurat cahaya nu nyésa

2010

hiji lalakon

dina kuku indung suku
ngagedat hiji lalakon
nu enggeus jeung nu can kasorang
pudunan jeung tanjakan pangacian

pasampangan mibanda 1000 kelir
ku réa rusiah dina paroman teu sapikir

diceluk cibulakan
ciciptan nu keur kasarung
sora beluk bet ngaweuhan
na sikluk nu teu kalarung

2010

bumi kedaton, 1

sidéngdang dina bangbarung leuweung
madep ngétan papahareup jeung landeuheun
pasir-pasir walagri digeugeuh jisim nu mukti
jatnikana dina ketak nu misurti
aya alam dina diri, dirumat lain ngabagjakeun deungeun

pupucukan kelir poyan, gupayna katumbirian
dicukcruk hamo nyalahan, papayeun geus kacirian

pangjurung jalan ti wétan asihan na tepus mangpung
lamping kalér pangrérétan kamalé teu milih dahan
kiduleun réa alaeun nu meuhpeuy lain ringkideun
nanjak ka girang ditayungan kingkilaban

2010

Iklan

About nazarudin azhar

urang sunda pituin

Posted on 16 Maret 2012, in Puisi and tagged . Bookmark the permalink. Tinggalkan komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: