Poé kacida panasna. Sanggeus mapayan proposal di sababaraha perusahaan, nu lapur taya nu daék nyeponsoran pagelaranana, Waru asup ka éta sakola, tur disanghareupan ku guru kasenian di rohang guru. Manéhna terus ngadadarkeun maksudna, nyaéta rék milu napelkeun poster di ieu sakola, jeung mun diijinan rék milu ngajual tikét pagelaran téater. Susuganan aya murid sakola ieu nu hayang lalajo. Lanjutkan membaca ‘Nu Daragang Kasenian’
Halaman Arsip 2
Gambar Jilid Buku Aan Merdeka Permana
Diterbitkan Juni 14, 2009 jilid buku 2 CommentsTags: jilid buku
DESAIN kaver atawa jilid buku Pa Aan Merdeka Permana, kenging sim kuring. Ngahaja ditapelkeun dina blog, etang-etang pameran hehe… :p
Duka iraha medalna bukuna mah 
da nyakitu tea, Pa Aan mah pangarang nu kacida sibukna, produktif, lian ti ngarang novel, carpon, oge ngokolakeun majalah Ujung Galuh.
Bilih aya kritik kana gambar kenging sim kuring ieu (jilid payunna wungkul, da bade ditapelkeun sareng jilid tukangna mah bilih orat, heuheu…), mangga wae nyerat dina 
komentar…
Malem Ahad kamari, sapeupeuting nyaring, ngadon ngobrol jeung babaturan ti komunitas Oi Trotoar, di saung Trotoar. Rea nu kasampeur dina obrolan teh, ti mimiti rupaning kagiatan kasenian nu beuki jempling di Tasik (aya ketang, tapi teu matak uruy ngalalajoanana, ku sababaraha alesan), ngobrol ngeunaan proses kreatif, tepi ka masalah jodo. Ma’lum rea keneh nu jomblo heuheu…
Kaobrolkeun masalah naskah drama. Enya, kuring teh kungsi nulis naskah drama Basa Sunda nu judulna “ROH”. Kira awal taun 2000, kuring nulis eta naskah. Ti harita teh lat weh poho, kaingetan deui basa saderek Acong ti Oi (harita inyana aktif keneh di Teater Ambang Wuruk), nu nyaritakeun eta naskah. Beu, barang dibaca teh bet rada kaget, singhoreng kungsi nulis naskah eta tur eusina rada “beurat” hehe. Nyabit-nyabit masalah eksistensi manusa dina perkara iman ka Pangeran (asana, kudu maca deui naskahna yeuh hihi).
Rek diropea deui sabenerna mah eta naskah teh, utamana pungkasan caritana, tapi deui-deui poho deui. Huh. Tepi ka ahirna mah kamari, maksud teh anyar keneh, awal Mei 2009, naskah Roh teh dipentaskeun ku Jabo Widianto jeung Andar ti Teater Dongkrak, dina acara “Nyawang Ringkang lembur Urang 2″ di Cineam, Kab. Tasik, alpukahna Sanggar Seni Awi Hideung Cineam. Ukur bisa ningali foto pagelaranana. Can kungsi lalajo.
Fotona di luhur. Jabo jeung Andar. Foto Dok. Teater Dongkrak.
jaleuleu